Baba Farid:Hazrat Baba Fareed Ganj Shakar Life And History

Hazrat Farid U Din Masood Ganj Shakar

Baba Farid ka Khandan E Aaliya:

Hazoor Baba Fareed Ganj Shakar Khalifa Doum (2nd) Ameer ul Mominien Hazrat Umar Bin Kahtab ki olad pak hein.Hazrat Baba Fareed Ganj Shakar ky chothy (4th) dada Hazrat Sheikh Shahabu Din Farkh Shah Kabli Kabul ky BadShah thy.aap ki saltnant kafi waseeh thi lekin Ghzanvi iqtdar ki waja sy aap ki hakoomat sirf Kabul tak mahdood ho kr reh gi.Hazrat Baba Farid Ganj Shakar k dada Hazrat Sheikh Muhammad Shoaib ny any ahlu ayal ko sath lia oor Lahore tashreef laye.phir azaam e Kasur huwe.BadShahe waqat ny basad izat u ahtram Hazrat Sheikh Muhammad Shoaib sahib ko multan ky qareeb Kasbah kotwal ki jageer aata ki oor ess ilaqy ka qazi maqarar kia.Hazrat Sheikh sahib ky 3 farzand Hazrat Khawaja jamal u din Suleman,Hazrat Khawaja Ahmed or Hazrat Khawaja Saad Haji thy.Hazrat Khawaja jaml u din Suleman Hazrat Baba Fareed Ganj Shakar ka walid (father) hein.ap bry aalim,aabid oor aadil thy.aap ki shadi Hazrat Moulana Wajeehu din ki sahib zadi Hazrat Bibi Maryam al marouf Qarsam Khatoon sy hui.Hazrat Khawaja ko Allah ny 3 baity Azaz U Din Mehmood,FarId U Din Masood oor Najeeb U Din Matwakal aata farmaye .

Hazrat Khawaja Sahib k teeno baity khaandani fazail o khasail ky hamil aabid,Zahid oor sahib Irfan thy.Hazrat Baba Fareed Ganj Shakar ki walida Majida (mother) inthai aadida or arifa khamil khatoon thii.ess zaman mein aik kabil e zikar waqya hai kh aik dafa aik chor aap k ghr mein dakhil huwa.Hazrat Baba sahib ki walida us waqat ibadat mein masrouf thi.qudrat e khuda wandi sy wo chor anda ho gya.bahir na nikal ska or ghbra kr baland aawaz sy apny gunahoun ki maafi maangi.chori krny sy tobha ki.beenai (eye sight) ky liye iltja ki.aap ki walida muhtrma ko rehm aa gyaa oor aap ki dua farmai.chor ki aankhein roshan ho gyi orr wooh makaan (house) sy chla gya.subha saweery wohi chor ( thief) sir (head) par dhood ka matka uthaye bama ahlu ayal aap ki walida muhtram ki khidmat aqdas mien hazir ho kr dolat e islam sy mala maal huwa.us ka islami nam Abdullah rkha gya or ess ny apni baqi umar us khaandan ki khidmat mein guzar di.

Also Check:

Pakpattan Weather

Pakpattan Map

Baba Fareed ka Shajrah Nasab:

Sheikh Ul Shueikh Aalim Hazrat Baba Fareed u din Masood Ganj Shakar Zahid Ul Ambia Sahih Al Nasab Farooqi hein.Aap ka shjrah nasab hasab e zail hay.

Zahid Ul Ambia Hazrat Baba Fareed Ganj Shakar Bin Hazrat Sheikh Jamal U Din Suleman Bin Hazrat Sheikh Muhammad Shoaib Bin Hazrat Muhammad Ahmad Bin Hazrat Sheikh Muhammad Yousaf Bin Hazrat Sheikh Shahbu Din Farkh Shah Kaabli Bin Hazrat Sheikh Naseer u Din Mehmood Bin Hazrat Sheikh Suleman Saani Bin Hazrat Sheikh Masood Bin Hazrat Sheikh Abdullah Waize Ul Asghar Bin Hazrat Sheikh Abu Al Fateh Waiz Ul Akbar Bin Hazrat Sheikh Ashaaq Hazrat Sheikh Ibrahim Bin Sheikh Adham Bin Hazrat Sheikh Suleman Bin Awal Bin Hazrat Sheikh Mansoor Bin Hazrat Sheikh Nasir Hazrat Sheikh Abdullah Bin Ameer Ul Mominien Hazrat Umar Bin khitab.

Hazrat Baba Fareed Ganj Shakar ki Waladat Or ibtadai Tarbiyat:

baba farid

Hazrat Baba Farid u din Masood Ganj Shakar ki waladat 29 Shaban,569 Hijri ko Kasbah Khotwal mein hui.aap ka isme garami “Masood” rakha gya.”Farid U Din” aap ka Laqab ha.Aqeedat mandoun ki Ghalib aksriyat aap ko “Baba Fareed” ky nam sy yad krti hay.”Saeed U Salkein,Ganj Shakar,Sheikh Ul Shuiekh Aalim,Sultan Ul Aarifien,Gayas Hind,Sheikh Ul Msajdin or Zahid Ul Ambia”bhi aap ky alkab hein.aap ky walid aap ki padaish ky chand sal baad intkal kr gye.Hazrat Baba Freed Ganj Shakar padaishi WALI thy.aap ny apni ibtdai taleem apni walida sy hasil ki.

Hazrat Baba Farid ko bachpan sy he shreeni sy kafi shagaf tha.aap ky essi shagaf ki waja sy aap ki Walida Majida rozana fajar ky waqat aap ky masaly ky nechy shreeni ya Shakar ki puriya rakh dia krti thi oor aap namaz e Fajar ky bad ho shukar nosh farm alia krty thy.aik din aap ki walida ko masly ky nechy Shakar rakhny ka yad na rha tu jb aap shkar deny k lye i tu Baba Farid Sahib pehly sy he Shakar nosh farma rhy thy.Aap ki walida foran smj gyi kh aaj ALLAH ny khaza e gaib sy yeh Shakar aata farmai ha.usi waqat ALLAH ki bargaah mein any baity k liye dua farmai orr irshaad farmya tu (Masood) Shakar ki trha sherein(sweet) ho ga.yeh aap ki walida ki  awla tarbiyat oor duaoun ka samar ha k aap ko wo shan oor azmat aata hui kh aap aqleem rohaniyat ky shehnShah bny.

Also Read:

Al Fareed School System Pakpattan

Ali Shopping Mall Pakpattan

Schools And Colleges In Pakpattan

Seerat Aaliya Hazrat Baba Farid Ganj Shakar Sahib:

Hazrat Baba Farid Masood Ganj Shakar ny apni tamam zindgi Quran or Sunat ki pairwi mein guzar di.Tamam umar aaqaye namdar ki Hayat Aqdaas ko mashal e rah bnaya.Tabiyat mein behaad saadgi oor behaad inksaar tha.Sari umar akhtyari fakr o faqa mein guzari.Duniya ki tamam neimtein mayasar hony ky bawajoud kareer or peelu ky phal kha kr guzar oqaat ki.dil inthai naram or soz o guzaar ka maraaka tha.Tamam umar ibadat o rayazat oor mujahdaat mein baasar hui.yehi waja ha k aap ko Zahid Ul Ambia ka lakab dia gya.

Hazrat Baba fareed Ganj Shakar aloom e baatni ky sath sath aloom e zahri mein bhi yaktaye rozgaar thy.aap ka halka fikr o zikar bry bry Aalmoun,Faazloun oor Darweshoun k liye aik dars gah ki hasiyat rakhta tha.Tafseer,Hadees,ilm e kalam or tajdeed Quran ky bohat bry mahir thy.bry sy bry masly bohat kam waqat mein hal farma dia krty thy.aap ky laangr kahny ka darwaza har khaas o aam ky liye har waqat khula rehta tha.jo kuch aata foran farweeshoun oor gareeboun mien takseem farma dety thy.

(Hazrat Baba Fareed Ganj Shakat ki Azwaaj e karam oor olaad)

Baba Farid ki Bewiyaan (wife):

Hazrat Baba Farid ny 3 shadiyan ki.pehli shadi aap ny Hazrat Bibi Khatoon Baigam Dukhtar Farkhanda Akhtar Sultan Gayas Ul Din Bulban sy ki Dosri shadi aap ny Hazrat Bibi Majeeb Ul Nisa or teesri shadi Hazrat Gous Ul Azam Jilani ki bewah pooti Hazrat Bibi Um E Kalsoom sy ki.

Hazrat Baba Fareed Ganj Shakar ky 5 baity or 3 beetiyan thy.naam nechy diye gye hien.

Baba Fareed k Sahibzaady (son):

  1. Hazrat Sheikh Shabu Din Al Marouf Ganjy Aalim
  2. Hazrat Khwaja Badar U Din Sulemani
  3. Hazrat Khawja Nazamu Din
  4. Hazrat Khawaja Muhammad Yaqoob
  5. Hazrat Khawaja Naseer U Din Nasar Ullah

Hazrat Baba Ganj Shakar ki Sahibzaadiyan(Daughters):

  1. Hazrat Bibi Mastoora
  2. Hazrat Bibi Shareefa
  3. Hazrat Bibi Fatima

baba fareed ganj shakar

Hazrat Baba Farid ka Wasaal:

Aik din woo bhi aa pohncha jb Hazrat Baba Farid sahib apni haqeeqi manzil par pohnchny k liye beqrar huwe orr usi takeeb mein qudrat ny beemari ka bhana bna diya.mahram ul haram ka chand nazar aany par gham Shahadat amam ul shuhda saeedna Hazrat amam husain taza ho gya.oor shuhdai karbla ki yaad mein be akhtyar rooty rhy.essi hal mien 5 mahram ul haram 664 hijri ko bekhodi or zayda gehri ho gyi.aap ny isha ki namaz aada ki or bekhanar ho gye.kuch dair baad aalim e hosh mein aaye tu pocha k mein ny namaz e isha aada kr li ha?

Araz kia gya!jee haan!

Lekin aap ny dobara namaz aada ki.ess trha teen martba darfyaat ki orr teeno bar namaz aada farmai.teesri namaz ky akhri namaz mein gye tu “ya haiyu ya qayum”keh kr apny Khaliq haqeeqi ky hazoor pohnch gye.

Waqat wasaal sy pehly Hazrat Baba Farid ny baar ha apny baity Hazrat Khawaja nazam u din ko yaad farmaya oor haazrein ko us ki raaye par chlny ki hidayat ki.Hazrat Baba Fareed Ganj Shakar k yeh baity aap ky wasaal ky waqat ajudhan (Pakpattan) mein moujood na thy.wasaal ky waqat aap ki umar 95 saal thi.aap ki namaz e janaza Hazrat Moulana Badru Din Ishaaq Ny Parhai.

 

Leave a Reply

Your email address will not be published. Required fields are marked *